Í gær, sunnudaginn 29. janúar, var komið að kvennaliðum KFF og Hattar að kljást á vellinum en leikur þeirra fór fram á Fellavelli. Sá leikur fór einnig 1-1 í spennandi leik sem fram fór í roki og rigningu. Byrjunarlið KFF/Leiknis var eftirfarandi: Ragnhildur í marki, Ríkey - Guðbjörg - Sólrún - Alex í vörn. Unnur Ólöf djúp á miðjunni, Sunna - Ragga - Nína - Klara þar fyrir framan og Heiðrún Kara í sókninni.

Ragnheiður skoraði mark KFF/Leiknis eftir undirbúning Ríkeyjar. 

Jóhann Ragnar Benediktsson hefur skrifað undir tveggja ára samning við úrvalsdeildarlið Keflavíkur. Jóhann hefur leikið með Fjarðabyggð frá 2006 og átti stóran þátt í uppgangi liðsins sem náði lengst í fjórða sæti 1. deildar 2009. Það sumar skoraði hann 10 mörk í 1. deildinni. Jóhann hefur leikið samtals 114 deildarleiki með Fjarðabyggð og skorað í þeim 27 mörk. Stjórn og stuðningsmenn Fjarðabyggðar þakka Jóhanni kærlega fyrir 6 frábær ár með von um gott gengi í framhaldinu.

Helstu leikmannafréttir hjá Fjarðabyggð eru að Víkingur Pálmason hefur haft félagaskipti úr Þór og að miðjumaðurinn Dejan Miljkovic sem lék með Tindastól/Hvöt síðasta sumar hefur samþykkt að ganga í raðir Fjarðabyggðar. Von er á þeim Dejan og Mirnes til landsins í lok mars.

Fjarðabyggð og Höttur mættust í dag í fyrsta leik Síldarvinnslubikarsins. Byrjunarlið Fjarðabyggðar var Gunnar í marki, Sævar, Andri Magg, Haukur og Víkingur Pálma í vörn. Miðjan var Martin Sindri, Sveinn Fannar og Hákon en á köntunum Stebbi og Villi og Bjarmi á toppnum.

Leikurinn var heilt yfir nokkuð jafn og áttu bæði lið nokkur góð færi en Fjarðabyggð komst yfir undir lok fyrri hálfleiks eftir að dæmd var vítaspyrna á Hött og leikmaður þeirra fékk að líta rauða spjaldið. Það var Víkingur Pálmason sem skoraði úr spyrnunni en Víkingur hefur nú skipt yfir í Fjarðabyggð frá Þór Akureyri. Mark Hattar skoraði Högni Helgason þegar vel var liðið á seinni hálfleik og lokatölur 1-1.

Karlalið Fjarðabyggðar leika tvo leiki um helgina í Fjarðabyggðarhöllinni. Fyrst ber að telja að 2. flokkur leikur í kvöld kl. 19 æfingaleik gegn Leikni F. en einhverjir meistaraflokksmenn verða þó með.

Á morgun laugardag kl. 15.30 eigast síðan Fjarðabyggð og Höttur við í Síldarvinnslubikarnum. Endilega kíkið við og hvetjið okkar lið. Aldrei að vita nema að það sjáist ný andlit í Fjarðabyggðartreyju.

Kvennalið Fjarðabyggðar leikur síðan síðasta leik Fjarðabyggðar um helgina í æfingarleik gegn Hetti á Fellavelli kl. 14:00.